Sunday, May 16, 2021

Нови подови за подобра средина за учење во Димитар Миладинов

УСАИД проектот за меѓуетничка интеграција во образованието заедно со Општина Центар започна со менување на подовите во основното училиште “Димитар Миладинов”. Градоначалникот на Центар, Андреј Жерновски заедно со раководителот на проектот, Небојша Мојсоски присуствуваа на почетокот на градежните активности за промена на подовите во основното училиште “Димитар Миладинов”. Подовите ќе бидат променети во 21 училница и сите активности треба да бидат завршени пред почетокот на новата учебна година.
Подовите се стари 58 години, со ова се покажува значењето на овој проект.Се заблагодарувам за одличниот проект на УСАИД. Општина Центар, како што и ветивме ќе работи за да се обезбедат подобри услови за учење. 21 училница е сериозен проект. Ќе продолжиме да работиме во училиштата и градинките. Се надеваме дека нашата соработка со УСАИД ќе продолжи и ќе добие на интензитет“, рече градоначалникот на општина Центар, Андреј Жерновски.

Повеќе од 700 ученици сега и уште многу нови генерации во иднина ќе имаат подобри услови и поздрава животна средина учејќи во реновираните училници. Основното училиште Димитар Миладинов е само едно од десет училиште кои ќе се реновираат во втора фаза од проектот.